معاد القلب يتحمـل بعـادك والهمـوم أشـداد
ياخلي طالت الغيبـه وأنـا تاسرنـي أمانـي
وانا في غيبتك كني سجينـه والزمـن جـلاد
تعبت أصرخ وهو يقسى قوي القلـب سجانـي
ارددها علـى نفسـي إذا همـي بـدا يـزداد
(حبيبـي ) كلمـةٍ والله تبـدد كـل أحزانـي
تعال الوقت لايهمك وأنا وإنت علـى الميعـاد
دقيقه تمر من دونك (حبيبي) دهور وأزمانـي
سجنت الوقت لعيونك رجيتك لانعيـش إبعـاد
عدوي وقتنا الاول تعال لاتصير معـه ثانـي
مصير الوقت يجمعنا ونعلـن للفـرح ميـلاد
وتزهر كل صحارينا وترسـم كـل الألوانـي
وإذا سافرت للغربه أنا دونك.. غريب بـلاااااد
غريبة غربتي اشلون ؟وأنا ما بيـن أخوانـي
دفنت الفرح مع فرحك وتزيد همومي وتـزداد
يا خلي كيف أنا بفرح ؟ في بعدك-والعمر فاني
ونار الشوق تكويني ولا عادت متونـي شـداد
دخيلـك لاتعذبنـي ماقصـر وقتـي أشقانـي
حبيبي للوفا بّذكـرك وهـذا طبعـك المعتـاد
ولكن الزمـن دوار!!يـدور وقتـك وتنسانـي
و صوتك هو دفا قلبي عشقتك دون كل عبـاد
أشوفك في وجوه الخلق وغطي بيديني أعياني
تقول : القلب ما تحمل بعادي والهموم أجـداد
وأنا إلي من تبعدنا أشـوف المـوت يبغانـي